SANTA MARINA ERMITA
(SANTA MAÑE)

Santa Mañe oinplano [2] errektangularreko ermita da, sakonera gitxikoa, burualde zuzendun nabe bakarrekoa [3], isurialde biko estalkia dauana, eta eleizpea oinaldean.

Horma-harrizko egitura dauka, bistan [4], izkinetan [5] eta hutsarteen inguruan [6] izan ezik, hemen kareharrizko harlanduak erabili izan dira-eta. Barrualdean, leiho-burua zizelkatuta dauan dintel zuzeneko horma-hobia dago [7].

Zoladura, zementuzkoa da [8] eta altxatuta dago altara-aldean.

Isurialde biko estalkia [9] dauka egurrezko egituraren gainean eta, burualdeko mentsulak [10] eta sabaitik alboetako hormen erdiko horma-hular bitara jaisten diran beso luzeak [11] [12] ikusita, altuera gehiago emon izan jakola emoten dau.

Sarbidea [13], oinaldeko hormatik da; erabat zabalik dago eta erdian aterako zabaldu egiten diran erronboide-formako barroteak dituan erregistro biko egur sareaz babestuta dago. Egurrezko hesi hau harrizko hormatxo baxuan pausazen da. Sarbidearen ondoan urbedeinkatu-ontzi txikia [14] dago, kono-enbor formakoa eta behean ziba txikia daukana.

Argia fatxada nagusitik sartzen da [15], baina baita hegoaldeko horman [16] eta altara-aldean [17] zulatutako gezileiho biren bitartez be. Biak txaranbelduta dagoz eta laprandura dabe barrualdera [18].

Eleizpea dago tenpluaren oinaldean [19]. Isurialde biko estalkia dauka [20], nabearenaren jarraipen, egurrezko lau oinarri zuzenetan zurkaizten dan egurrezko egituragaz [21]. Era berean, oinarri horreek barrualdera inguruko idulki-bankua daukan horma-harrizko petril baxuan bermatzen dira [22]. Eleizpa osoaren zolua harlauzazkoa da.

Eleizpearen aurrealdea erregistro biko horma-harrizko horman ixten da [23]: behekoa, burudun hutsartea sarbiderako [24] eta kanpaia hartzeko arku okertudun hutsarterako.