SANTA MARINA ERMITA

(Jesusen Bihotza parrokiaren jurisdikzinoa)



Arratia

\

Artea | Bildosola-Agarre auzoa

i

Folletoa



Bildosola-Agarre auzoa z.b., 48142



p.jesusenbiotza.artea@bizkeliza.org

ERAIKINA[1]

Santa Marina ermita Arteatik Bildosola auzora doan bidearen alboan dago.

Oinplano trapezoidala dauka [2], tamainu txikikoa —8 m² ingurukoa—, eta, bere tipologiagaitik, antz handiagoa dauka kuruztoki bategaz ermitau-eraikin peto bategaz baino. Petril urten bat dauka aurreko fatxadan [3].

Hormak lodiera handiko harlangatx irregularrez eginda dagoz [4], seguruenik teilatuaren zabaltasunari eusteko asmoagaz. Sarrerako hormatxuaren gainean marmol gorriko plaka bat dago, eta material hori barruko altara txikian be dago.

Zoladurea harlauzaz eginda dago.

Estalgia zementuzko plaka zabal bat da, eta atzeko fatxadarantz okertzen dan hegalkin handiko teilatu-hegal bat dauka.

Sarbidea [1] sortaldeko fatxadan dago. Fatxada hori guztiz edegita dago, anten artean, eta pikaz errematautako sareta leun bategaz babestuta dago [5]. Hormatxu txiker batek ixten dau sarrera horren beheko hegoaldeko ertza [3]. Antetako baten, harlangatxean zizelkatuta, inskripzino hau dago: 1981. Era berean, tenpluak bigarren mailako igarobide bat dauka hegoaldeko horman [6]. Sarrera estu bat da, hesi nagusiaren antzeko ezaugarriak dituan burdin-hesi bategaz itxia.

Argiztapena fatxada nagusitik dator –guztiz edegita dago–, baita hegoaldeko alboan egindako sarbidetik be.

Kanpai-hormea [7] hegoaldeko hormarantz mobiduta dago, eta harlangatxezko hutsune zuzen bat dauka, zementuzko plaka bategaz burututa, estalgi nagusiaren antzera.

Gaur egungo Santa Mañe ermitak Santa Marinaren antxinako sagarapena ordezkatzen dau, ha guztiz suntsitu eben-eta Gerra Zibilean. Berreregitea eleiztarrei, Udalari eta Santa Marina zelaiko bertako egurraren salmenteari esker ordaindu zan. Lanak 1945ean egin ziran, Eustakio Iturriagak zuzenduta eta 3.042 pezetako kostuagaz¹AHEB-BEHA, Jesusen Bihotzaren parrokia, Artea, Kontu-liburua, 1882-1955, 1759/002-00 signaturea..

Fatxadan grabautako datea, 1981, gerora egindako zaharbarritze baten urteari jagoko seguruenik.

ALTZARIAK

Eskulturea

Santa Marina [8] (90 x 35). Harria. Santea jesarrita dago, Erdi Aroko ereduetan inspirautako birsorkuntza garaikide lez sortua. Aureola baten aurrean jesarrita dago, sigi-sagan egindako motiboakaz apaindutako aulki baten gainean, eta martirioaren palmea eta kate bat ditu eskuetan, hau da, santearen ezaugarri tradizionalak. Konposizino zurruna dauka, buruaren keinuagaitik izan ezik. Gorputzak bolumen trinkoak ditu. Anatomiarenganako kezkea eskasa da, eta eskematizazino handia dauka. Arpegiak hazbegi sinplifikauak ditu, naturalismo akademikotik nahita urrunduta. Ulea simetriaz jausten da alde bietara, ia modelau bako adatsen bidez. Janzkerea izur linealakaz egituratuta dago. Mahuken, lepoaren eta hegalen ertzak zirkulu txikiko motibo errepikakorrakaz aberastuta dagoz. Baliabide apaingarri hori ohikoa zan herri-birsorkuntza neomediebaletan. Gainazalaren akaberea guztiz zuria da, eta horrek haren irudiaren harri-itxurea areagotzen dau. XX. mendean garatutako korronte historizisten eta erregionalisten barruan kokatzen da piezea. 500 pezeta kostau zan, eta Jose Uribasterraren oinordekoek emon eben dohaintzan, 1945ean²AHEB-BEHA, Parroquia del Sagrado Corazón, Artea, Libro de cuentas, 1882-1955, sign. 1759/002-00..